على الناصية قابلت مواطن باين علية ماشى يكلم نفسه
قولت له : صباح الخير اتعرف عليك
- صمت رفض زكر اسمو
قولت : طيب اعرف بتشتغل اية
قال : معاش مبكر
سألته : سمعت عن تعديل الدستور
قالي : امال انا ماشى بكلم نفسى لية طبعا سمعت فى التلفزيون والاذاعة والجرائد
فطار غدا عشا
قولت : طيب رايك اية
قالي : يعنى يا بنتى اذا كان هيحسن رغيف العيش ويمنع الطوابير وهيوفر وظيفة للعاطلين وشقة للشباب يعدلوه .... اذا كان هيوفر الامن فى الشوارع وحرية الانتخابات والحد من المعاش المبكر يغيروه .....
اذا كان هيمنع اعادة تعين المحالين للمعاش من رجال الشرطة والجيش والقضاء فى الشركات والمصانع الحكومية يغيروة ... وان ما كنش يريحونا ويريحوة
.....
فى نهاية اللقاء بنسال تحب تسمع اغنية اية
احب اسمع اغنية " دستور يا سيدنا دستور" وانصرف مرة اخرى يكلم نفسه
