السلام عليكم جميعا
كل سنة وانتو طيبين كلنا اكلنا الكحك والبسكويت والبيتيفور الحمد لله.... وبما ان انا اللي عملت الكحك السنادي يبقا كان لازم اعد لي في المستشفى يومين هههههههه ..... خرجت باه من المستشفى وبقيت زي القردة ..... مسكت الريمود واعت اقلب في القنوات لقيت خير اللهم اجعله خير برنامج حلو _في رائي يعني_ جايبين باه طلبة جامعة مأعدنهم في الاستديو زي بتوع هالة شو كده ... ومستضفين مسئولين كبار .... الطلبة باه تقول مشاكلها ومطالبها واللي عاوز يقترح حلول يتفضل ... والمسئول طبعا يحقق الطلبات دي ..... ومن بين مشاكل الطلبة واحد اشتكى من ان الجامعة بتاعته فصلت البنات عن الشباب ....... يعني البنات ليها اماكن مخصصة الشباب ممنوع يدخلوها .... والشباب ليهم اماكن مخصصة ممنوع البنات تدخلها .... وطبعا في المحاضرات مافيش بنت تعد جمب ولد _ الظاهر ان ده سبب له ازمة كبيرة_ وليه وليه البنت تعد بعيده عن زميلها .
طبعا د . هاني هلال كان موجود في الاعدة دي وعشان هو بيحب ولاده جداً اللي هما طلبة الجامعة يعني مش معقول هيخلي نفسهم في حاجة وقال القرار ده لازم يتلغي .... مافيش مانع طبعا ان الشاب يعد جمب البنت .... كان ناقص كمان يقول وياخدو ارقام موبيلات بعض عشان يعرفو بعض مواعيد المحاضرات طبعا .... ويعرف عنوان بيتها عشان يبقو يذاكرو مع بعض بالمرة .... والله حرام .
طبعاً المذيع لازم يضمن ويطمن الطلبة قاله يا دكتور القرار ده هيتلغي بكرة؟
قاله لاء بمجرد ماخرج بعد الحلقة هيكون اتلغى... فيك الخير يا سيادة الوزير .
طبعاً المذيع لازم يضمن ويطمن الطلبة قاله يا دكتور القرار ده هيتلغي بكرة؟
قاله لاء بمجرد ماخرج بعد الحلقة هيكون اتلغى... فيك الخير يا سيادة الوزير .
انا سيبهالكو انتو اللي تحكمو ...... هو احنا ايه اللي جرلنا
هناك تعليق واحد:
فعلا إن لم تستح فافعل ما شئت يا عم يا بتاع القرارات.
حسبنا الله ونعم الوكيل.
إرسال تعليق